ကိုယ့်ဘ၀နဲ့ ကိုယ်လို့ပြောတာ တကယ်တော့မဟုတ်ပါဘူး


ကိုယ့်ဘ၀ နဲ့ ကိုယ် လို့ ပြောတာ တကယ်တော့ မဟုတ်ပါဘူး……

အများ အတွက် မစဉ်းစားဘဲနဲ့ ကိုယ့်ဘ၀ အတွက် …. ကိုယ့် ကိုယ်ကျိုး အတွက် လောက် သာ စိတ်ထဲ ရှိသလိုတွေးပြီး လုပ်နေမယ် ဆိုရင် တန်ဘိုးဖြတ်လို့မရနိုင် တဲ့ လှပသာယာတဲ့ လူတွေရဲ့ ဘ၀ပေါင်း များစွာ... အားလုံးရဲ့ မနက်ဖြန်ပေါင်း များစွာ နဲ့ … ကမ္ဘာကြီး ရဲ့ အနာဂါတ် ကို ဆုံးရှုံးအောင် လုပ်လိုက် တာ နဲ့ အတူတူ ပါဘဲ...... ။

(၁)

ပါမောက္ခ တစ်ဦး က ဟေ့.... အမောင်ကျောင်းသား ဆေးလိပ်သောက်တာ ကောင်းတဲ့ အလုပ် မဟုတ်ဘူး လို့ဆုံးမတော့ ၂၁ နှစ်အရွယ် ကောလိပ်ကျောင်းသား က သူ့ရဲ့ ပါမောက္ခ ကို ကိုယ့်အလုပ် ကိုယ်လုပ် ဆရာနဲ့မဆိုင်ဘူး ဆိုပြီး ပြန်လည် ပြစ်တင် ပြောဆို ခဲ့တာကို မနှစ်သက်စွာနဲ့ ကြားခဲ့ရပါတယ်......။

ကိုယ့်ဘာသာကိုယ် ဆေးလိပ်သောက်တာ ဘာဖြစ်လဲ ကိုယ့်အလုပ် ကို လုပ်ကြ တခြားသူ တွေ ကို မပြောနဲ့........ မပြောနဲ့..... ဆေးလိပ်သောက်တာနှင့် ပတ်သက်ပြီး ကျန်းမာရေး ဟောပြောချက်တွေ ပို့ချချက် တွေ လမ်းညွှန်ချက် တွေ လာမလုပ်ပါနဲ့ ဒါက ကျွန်တော့်သဘောဘဲ ကျွန်တော်ပိုင်ဆိုင် တဲ့ ကျွန်တော့်ကိုယ်ခန္ဓာ ကျွန်တော့်ကျန်းမာရေး ကျွန်တော့်ဘ၀ ၀င်မစွက်ဖက်နဲ့။ ကိုယ့်ဘ၀နဲ့ကိုယ် ဟုတ်တယ် မဟုတ်လား…။

ဆရာရှေ့မှာ ဆေးလိပ်သောက်တာ မကြိုက်ဘူး ဆိုရင် ကျနော် မသောက်တော့ဘူး ဆိုပြီး ဆေးလိပ်ကို သူ့ အိတ်ထဲ ပြန်ထည့် လိုက်တယ် ...။

မောင်ကျောင်းသားက ပြောသေးတယ်၊ အားလုံး ကိုယ့်ဘ၀နဲ့ကိုယ်ချည်းပါဘဲ .....၊ ကြိုက်သလို နေကြပေ့ါ ...... ရာမ ဘဲချချ ဆေးခြောက် ဘဲ ရှုရှု ၀ီစကီ လည်း ကြိုက်သလောက် သောက် ကိုယ့်သဘောအတိုင်း ဘဲ တဲ့.... ဘာဘဲ ဖြစ်ဖြစ် ကိုယ်လုပ်ချင်ရင် လုပ်မယ် မလုပ်ချင်ရင် မလုပ်ဘူး ကိုယ်လုပ်ချင်လို့ လုပ်တဲ့ ကိစ္စ ဘယ်သူ့ကို ထိခိုက်နေလို့လဲ ….. ပြီးတော့ ဆက်သေးတယ်.. ...။

လမ်းမကြီးပေါ်မှာ ကားတစီးတလေ မှ မရှိဘူး ခရီးသည် လည်း တဦးတလေ တောင် မပါတော့ တနာရီမိုင် ၁၀၀နှုန်း နဲ့ကား အမြန်မောင်းတာ ဘယ်သူ့ကို ဘယ်လိုအန္တာရယ် ဖြစ်စေလို့လဲ ဆရာ လို့… ပြန်ပြောတော့ ဟုတ်တာ ပေါ့ကွာ ....မင်း.. ဘာကို ဆိုလိုသလဲ ဆိုတာ သိပါတယ် ဒါပေမယ့် အဲဒီလို ပြောတာ ကို ငါ သဘောမတူဘူးကွာ ဆိုပြီး ဆရာက ခေါင်း တငြိမ့် ငြိမ့် နဲ့ ပြန်ပြောပါတယ်..။

ဆရာ့သဘော ကို ပြောရရင် ဒါဟာ အထီးကျန်ပြီး ငြီးငွေ့စရာ ကောင်းတဲ့ လူတယောက်ရဲ့ အမြင် ဘဲ.....၊ အဲဒီလိုသာ ယူဆ နေရမယ်ဆိုရင် ဘ၀ဟာ ဘာမှ တန်ဖိုးမရှိ၊ အဓိပ္ပါယ် မရှိတော့ဘူး...။

အမောင်ကျောင်းသား ကတော့ ရုံးခန်းထဲက ထွက်သွားပြီး ကျောင်းစင်္ကြန်ပေါ်မှာ ဆေးလိပ် သောက် နေလေ ရဲ့ ..... စင်္ကြန်လမ်းပေါ်မှာ လူသူလေးပါး ရှင်းလင်းနေတယ်ဆိုပြီး ဆေးလိပ် သောက်တယ် .....၊ ဒါဆိုရင် မှားယွင်းနေပြီ ဒါဟာ... မဟုတ်သေးဘူး လုံးဝကို မဟုတ်တာပါ.....။

ကျွန်တော်တို့ တစ်တွေနဲ့လည်း သူ ဟာ တစုံတရာ ပတ်သက်နေတယ် .....၊ လူတွေအားလုံးဟာ ဆက်စပ် ပတ်သတ်နေသလို လူတိုင်းဟာလဲ သူ့ဘ၀နဲ့ တစိတ်တပိုင်းစီပါဝင် ပတ်သက် နေကြ ပါတယ် ...၊ သူ ဆေးလိပ်သောက်လို့ ခန္ဓာကိုယ် ချွတ်ယွင်းတဲ့ အခါ သူ့ရဲ့ ကိုယ်အင်္ဂါ ဖြတ်တောက် ထုတ်ပယ် ပစ်ရတဲ့ အခါ သူ့ရဲ့ ဆုံးရှုံးမှု ၊ နာကျင်ခံစားမှု အားလုံးဟာ ကျွန်တော်တို့ တတွေ အားလုံးနဲ့ သက်ဆိုင် နေပါတယ် ... ၊ ဒီအဖြစ်ဆိုးကြီးက ထွက်ပြေး လွတ်မြောက်ချင်လို့ မရသလို ဘယ်သူ မှ ရှောင်တိမ်းလို့ မရပါဘူး .....။
(၂)

ကိုယ် အသုံးပြုတဲ့ ဆပ်ပြာ အနံ့တွေကို တခြားသူတွေ က ရှုရိုက်ရမယ်....၊ ပြီးတော့ ကိုယ်အသုံးပြုတဲ့ ကားကနေ ထွက်တဲ့ အဆိပ်ငွေ့တွေလဲ အများသူငါတွေ ရှုရှိုက်နေကြရတာဘဲ....။

ကိုယ်ရဲ့ မင်္ဂလာနံနက်ခင်း အပြုံးပန်းလေး တွေဟာ တခြားသူတွေ အတွက် စိတ်ဓါတ်တွေ ကို တက်ကြွစေရင် ... ၊ မြေအောက်ရထားလမ်းမှာ အများသူငါတွေ ကို အပြုံးပန်းမပေး ဘဲ ပြစ်တင် ညည်းညူသံ တွေနဲ့ ကျိန်ဆဲပြီး စိတ်အနှောက် အယှက် ဖြစ်စေမယ် ဆိုရင်.....၊ လူဆိုတာ တစ်ယောက် ထဲနေတာ မဟုတ်သလို.... တယောက်ထဲလည်း မနေနိုင်ပါဘူး ဆိုတာ ကို ပိုလို့ သဘောပေါက်ရမှာပါ .....။

ရှင်းပါတယ်ဗျာ လူတယောက်ဟာ ကိုယ့်ကိုကိုယ် ကောင်းအောင် ထိန်းသိမ်းနိုင်ရမယ်၊ လူအများရဲ့ အခွင့်အရေးတွေ၊ ခံစားချက်တွေကို ချိုးဖောက်ဖျက်ဆီးဖို့ အလွဲသုံးစားလုပ်ဖို့ အခွင့်အရေး ဘယ်သူ့ မှာမှ မရှိပါဘူး .....၊ ကိုယ့်ကိုကိုယ် တန်ဖိုး မရှိအောင် လည်း မလုပ်ရ မဖျက်စီးရပါဘူး....။

လူတိုင်း ဘာသာတရားကို ကိုးကွယ်ယုံကြည်ပြီး ဘာသာတရားရဲ့ အဆုံးအမတွေကို ခံယူ နေမယ်ဆိုရင် ...... မမြဲတဲ့သဘောတရားတွေသာရှိတဲ့ ရုပ်ခန္ဓာ နဲ့ နာမ် သာလျှင် ရှိတယ်ဆိုတာ သိကြ .. နားလည် ကြမှာပါ..? လူတိုင်း ဟာ ကိုယ့် ဘဝ ကိုယ် မပိုင်ပါဘူး..... ။

လူသားထဲက လူတယောက်မှာ မိသားစု မိတ်ဆွေ သူငယ်ချင်း စတဲ့ အဖွဲ့အစည်း အသိုင်းအ၀ိုင်းတွေ ရှိပါတယ်......၊ လူသား တယောက်အနေနဲ့ အဖိုးအဖွား မိဘတွေက ပြုစုပျိုးထောင်ပေးရတယ် ချစ်ခင် ကြရတယ် ဆရာသမားတွေနဲ့ ဘုန်းတော်ကြီး တွေက ပညာတွေသင်ကြားပြသ ပေးကြတယ်....၊ တရားရေး ၀န်ထမ်းတွေ...၊ ပြည်သူ့ ရဲဘော်တွေ ၊ တပ်မတော်သား တွေက ကာကွယ် စောင့်ရှောက်ပေးကြ ရတယ်...။

အနုပညာရှင်တွေနဲ့ ကဗျာဆရာတွေ၊ စာရေးသူတွေက စိတ်ကြည်နှုးမှုတွေ ဖြစ်စေဘို့ ပြုံးစေ ပျော်ရွှင် စေအောင် လုပ်ပေး ကြတယ်..၊ စိတ်ဓါတ် ခွန်အားတွေဆုံးရှုံး နေတဲ့အခါ စကားလုံးတွေနဲ့ ခွန်အားတွေ ပြန်လည် ပြည့်ဝ စေအောင် ပြုလုပ်ပေး ခဲ့ ကြတယ်...။

ဒါတွေကို ဘယ်သူ မှ မလေးမစား လုပ်လို့မရပါဘူး ..... ကိုယ့် ကို ကိုယ် မစောင့်ရှောက်ဘဲထားရင် ဂရုမစိုက် ဘဲနေရင် စည်းစနစ် မရှိဘဲ ဖြစ်သလိုကြုံသလို လုပ်ရင် စိတ်ဝင်စားမှု မရှိဘူး ဆိုရင်…. အကျိုးဆက် ကတော့ လူသားတွေ အားလုံး အတွက် ဘာမှ ဖြစ်လာမှာ မဟုတ်ပါဘူး။

(၃)

သဘာဝ တရားကြီး ရဲ့ နှစ်ထောင်ပေါင်း များစွာ စုဆောင်းသိုမှီး ရင်းနှီးမြုတ်နှံ ထားခဲ့တဲ့ အထဲ မှာ မျှော်လင့်ချက် တွေ လည်း အများကြီး ပါဝင်နေမှာပါ.... ။ အဲဒီလို အလွန်တရာမှ တန်ဖိုးရှိလှတဲ့ ဘိုးဘွား အမွေအနှစ် တွေကို အနာဂတ် မျိုးဆက် တွေ အတွက် မည်မည်ရရ ရေရေ ရာရာ မရှိဘဲ အချည်းနှီး ကုန်ဆုံးစေဖို့ အခွင့်အလမ်း ဘယ်သူ့ မှာမှ မရှိပါဘူး။

ဒုတိယ ကမ္ဘာစစ်အတွင်းက အမေရိကန် စစ်တပ် က တပ်သား တစ်ယောက်ဟာ ကြောက်စရာ ကောင်းတဲ့ နေလောင်နာ နဲ့ အရေပြားတွေ ယောင်ရမ်းတာကို ခံစားရတယ်။ တပ်သားခမြာ ကိုယ့်တာဝန် ကို မထိန်းသိမ်း နိုင်တဲ့ အတွက် အပြစ်ပေးခံ ရတယ်... ။

ရည်ရွယ်ချက်ကတော့ လုံးဝကို ရှင်းပါတယ် ကိုယ့် ရဲ့ တကိုယ်ရေ တကာယ ကျန်းမာရေးကို ကိုယ်တိုင် ကိုယ်ကျ စောင့်ရှောက်ရမဲ့ တာဝန်ကို မကျေပြွန် တဲ့ အတွက်ဖြစ်ပါတယ်။ စောင့်ရှောက်ဖို့လည်း လိုအပ်ပါတယ် ဒါဟာ အားလုံး အတွက် အရေးကြီး ပါတယ်။

ရပ်ထဲ ရွာထဲမှာရှိတဲ့ ဥပဒေတွေဟာ လည်း ဒီရည်ရွယ်ချက်တွေနဲ့ အတူတူပါဘဲ...။ ကျွန်တော်တို့ ကိုယ်တိုင် ကာကွယ်ဆေး တွေ ထိုးဖို့လိုအပ်သလို တခြားသူတပါးတွေကို ထိုးဖို့ တိုက်တွန်းရမှာပါ... ရောဂါ တွေကို ဒီနည်းနဲ့ မကူးစက်အောင် မပြန့်ပွားအောင် လုပ်ရမှာပါ။ ပြီးတော့ ယဉ်မောင်းတဲ့ အခါ အသက်အန္တာရယ် ကနေ လုံခြုံစိတ်ချရအောင် စည်းကမ်း လိုက်နာဖို့ လိုပါတယ်....၊ ဘာဖြစ်လို့လဲဆိုတော့ လမ်းမကြီးပေါ် မှာ လူသားအားလုံး သွားလာ လှုပ်ရှား နေကြ ပြီး အားလုံးဟာ လမ်းမကြီးနဲ့ သက်ဆိုင် နေလို့ပါဘဲ.....။

ရှေ့နေဟောင်းတဦးက ကျွန်တော် ဒါကိုသိပါတယ်ဗျာတဲ့ .... လူသားတစ်ဦးမှာလည်း အခွင့်အရေးရှိ ပါတယ် ....၊ ဘယ်သူ့ကိုမှ မထိခိုက်ဘူးဆိုရင် သူ့ရဲ့လက်သီးကို တစ်ပါးသူရဲ့ နှာဖျားလေး အထိ ဝှေ့ရမ်း နိုင်ပါတယ်တဲ့.... ။
(၄)

လူငယ်တယောက်ကို လွတ်လွတ်လပ်လပ် ရူးသွပ်သွားစေတဲ့အထိ စွန့်စားပြီး မူးယစ်စေတဲ့ အရာ များကို သုံးစွဲခံစားခွင့် ရှိစေသင့်ပါသလား .. မသုံးစွဲ သင့်ဘူးလို့ သတ်မှတ်ပြဌာန်းထားဖို့ ဆိုတာ လိုအပ်ချက် မဟုတ်ဘူးလား.. သူ့မှာ တခြား လူ့ အဖွဲ့စည်း တွေကို ပေးဆပ်ဖို့ ဘာမှ မရှိ တော့ဘူးလား……။

ဒေါသတရား လက်ကိုင်ထားပြီး ကိုယ့် ဆန္ဒနဲ့ကိုယ် ကျောင်းထွက်ချင်တယ်ဆိုပေမဲ့.. သူ့ရဲ့ အနာဂါတ်မှာ မတော်ရသေးတဲ့ ဇနီးလောင်း နဲ့ သားသမီးလေးများရဲ့ဘ၀တွေ အတွက်… သူ့အတွက်… လူမှု့ပြဿနာတွေ နဲ့ငွေကြေးထောက်ပံ့မှု့ တွေကို ပေးရတော့ မှာ ဖြစ်တဲ့ အတွက် ကျွန်တော်တို့ အားလုံး နဲ့ သူ့ ရဲ့ ဒေါသတရား ဟာ သွယ်ဝိုက်ပြီး သက်ဆိုင် နေပါပြီ…။

လွန်ခဲ့တဲ့ ၁ဝနှစ် ကထဲက အရက်အလွန်အကျွံ သောက်တဲ့ အသက် ၃၀ နားနီး ကျွန်တော်သိတဲ့ လူတစ်ယောက် ကို မိတ်ဆွေသူငယ်ချင်းတွေ က ခင်ဗျား ဒီလောက်သောက်နေရင်တော့ ကျန်းမာရေး ထိခိုက်တော့မှာ ဘဲ ဆိုပြီး ၀ိုင်းပြောကြ သတိပေးကြတယ် .... ။

ဒါပေမယ့် ဘသားချောက ကိုယ့်ဘာသာကိုယ် ဒုက္ခရောက်တာ မဆီမဆိုင်ဘာဖြစ်လို့ ၀င်ပါကြတာလဲ ကိုယ့်အလုပ် ကိုယ်လုပ်ဆိုပြီး ပြန်ပြောတယ်။ အင်း….အခုတော့အသဲခြောက်ရောဂါရပြီး အိမ်ထောင်ရှင်မ ခမျာလည်း ကိုယ်စိတ်နှစ်ပါး ဒုက္ခရောက်ရပြီ အလုပ်ကလည်း ဆက်မလုပ်နိုင်တော့ ဘဝ ကလည်း မသေချာ မရေရာတော့ဘူး...။

နှစ်ပေါင်းများစွာ သောက်နေတဲ့ သက်တမ်းတစ်လျှောက် ပေါ့ပေါ့နေ ပေါ့ပေါ့စားပြီး ဖြတ်သန်း နေတုန်းက အိမ်ထောင် မကျသေးဘူး...၊ သူဟာ အဲဒီတုန်းက သာ သူ့ကိုယ် သူ ထိမ်းသိမ်း စောင့်ရှောက် ခဲ့ရင် ... အခု အချိန်မှာ .... လွန်ခဲ့တဲ့ ငါးနှစ် က တွေ့ဆုံ လက်ထပ် ခဲ့တဲ့ ဇနီးသည်ရဲ့ ဘဝ ဟာလည်း ... တဖြည်းဖြည်းခြင်း ပျက်စီးစေမှာ မဟုတ်ဘဲ ..... မမွေးဖွားသေးတဲ့ ကလေးငယ် တွေလည်း ဒုက္ခရောက်မှာ မဟုတ်ပါဘူး.....။

ကိုယ့်အလုပ် ကိုယ်လုပ်ပါ ဆိုပြီး တစ်ကိုယ်ကောင်းဆန်ဆန်အတ္တကြီးကြီး နဲ့ ဆက်လုပ်နေမှတော့ အပြစ်ပြော မနေချင်တော့ဘူး..... ကိုယ့်ဘ၀နဲ့ကိုယ် ပျော်နေကြ ... ဒါမှမဟုတ် ကတိတွေ အထပ်ထပ် ပေးပြီး.... တကယ် လုပ်ဆောင်ဖို့ ရှောင်ကြဉ်နေတဲ့ သူတွေကို ကြားဝင် မနှောက်ယှက် မစွက်ဖက်ချင်ပါဘူး.... ဆိုပြီး ဒီအတိုင်း ဘဲ အလိုက်သင့် နေမယ် ဆိုရင် လောကကြီး အတွက် ကျနော် တို့ ရဲ့ ဆုံးဖြတ်ချက် တွေ ဟာ တရားပါ့မလား……။

လူသားမျိုးနွယ်တွေ အတွက် ဒါကို သွေးဆောင်ဖျားယောင်း ပြီး ကောင်းရာ ကောင်းကျိုး လုပ်ဘို့ ကို လုပ်ဆောင် ရပါမယ်.....။
(၅)

ကျွန်တော် တို့ဘိုးဘွားတွေ လက်ထက် က စပြီး အရိပ်ရဖို့ သစ်ပင်တွေ အများကြီးစိုက်ပျိုးခဲ့ကြ တယ် ....၊ သူတို့ ကိုယ်တိုင် စိုက်ပျိုးရတယ်ဆိုပေမယ့် သူတို့အတွက် မဟုတ်တာတော့ သေချာပါတယ် သူတို့ရဲ့ မျိုးဆက်သစ် သားမြေးမြစ် လေးတွေ အတွက်ပါ ....၊ ဒါဟာ လူသားဆန်တဲ့ လူသားတိုင်း ရဲ့ အလုပ် တစ်ခု ဖြစ်ပါတယ်.....။

တစ်ချို့လူတွေယုံကြည်ထားတာ က ကိုယ်မဟုတ်တာ လုပ်တာကို ဘယ်သူမှ မသိရင် ဘာမှ မဖြစ်ပါဘူးလေ ဆိုပြီး စိတ်အလိုလိုက်ကြတော့ ဒုက္ခရောက် ကြရပါတယ်...၊ တစ်ချို့ လူငယ် တွေဟာ လည်း အန္တာရယ်များ တဲ့ အများ ဒုက္ခရောက်စေမယ့် အလုပ်တွေ ကို ပိပိရိရိ သေသေသပ်သပ် လုပ်နိုင်ကြတယ် လို့ ငယ်ရွယ်တဲ့ အုပ်ချုပ်ရေး အရာရှိက စိတ်မသက်သာစွာနဲ့ပဲ ပြောပြပါတယ်....။

ကျွန်တော် ရဲ့ မကောင်းမှု့ တွေကို ချစ်လှစွာသော ဇနီးကလေးတောင် မသိပါဘူး.... ၊ ကျနော့် ဇနီးက ဘယ်တော့ မှ လည်း သိမှာမဟုတ်ဘူး.... သံသယ လည်း ရှိမှာ မဟုတ်ပါဘူး ...၊ ဒါပေမယ့် ဘာကြောင့်ဘဲ ဖြစ်ဖြစ် အဲဒီ မကောင်းမှု့တွေ ပြီးဆုံးသွားရင်တော့ သူ့ ဘဝ မှာ အမှန်တရား အတွက် နေရာ မရှိတော့ပါဘူး ပျောက်ဆုံး သွားပါပြီ.... သူ့ကိုယ်သူလည်း ယုံကြည်မှုတွေ နည်းသထက်နည်းလာပါပြီ။ သူ့ ဇနီး အပေါ်မှာလည်း ရင်ဆိုင်ဖို့ အင်အား တွေ နည်းသထက် နည်းလာပါပြီ သူ့ရဲ့ ကလေးတွေ အပေါ်မှာလည်း မျက်လုံးချင်း စေ့စေ့ကြည့်ဖို့ တောင် ခက်ခဲလာပါတယ်။ သူ့ အသံတွေ ပိုပြီးတိတ်ဆိတ် ငြိမ်သက်လာမယ်... အလေးအနက် မထားသင့် တဲ့ ဟာတွေ ကိုပါ ပိုအလေးနက်ထားလာပြီး ပို လျှို့ဝှက်လာမယ်။ အကျိုးဆက် ကတော့ သူ့ရဲ့ မိသားစု နဲ့ တစ်မျိုးလုံး တစ်ဆွေလုံးဟာ သူ့ကြောင့် အစွန်းအထင်း ဖြစ်သွားပါပြီ။

(၆)

သိပ်မကြာသေးတဲ့ အချိန်မှာ ကျွန်တော့်ရဲ့ အလွန် အင်မတန် ဥာဏ်ထက်မြက်ပြီး ချောမောလှပတဲ့ ကျောင်းသူလေး တစ်ယောက် က အတန်းမတက်တာ အတော် ကြာပါပြီ။ မိဘတွေနဲ့လည်း ရင်းနှီးပြီးသား ဖြစ်ပြီး သိပ်ကို လှပတဲ့ မိန်းကလေးတစ်ယောက်ပါ။

သူမ မှာလည်း သူ့လို ငယ်ရွယ်တဲ့ မိတ်ဆွေသူငယ်ချင်းတွေ အများကြီးပါ။ အဲဒီ မိန်းခလေး မှာ အသည်း အသန် ခဲမှန် စရာကိစ္စတစ်ခု ဖြစ်လာပါတယ်။

သူမ က အိမ်ထောင်ရှိပြီးသား အမျိုးသားတစ်ဦးနဲ့တွေ့ဖို့ စတင်ချိန်းဆို ပါတယ်....၊ မိတ်ဆွေ သူငယ်ချင်း တွေကိုလည်း ကိုယ့်ဘာသာ ကိုယ် အတွေ့အကြုံကိုရှာဖွေဖို့ အခွင့်အရေးရှိတယ် မဟုတ်ဘူး လား လို့ ဂျစ်တီးဂျစ်ကန် နဲ့ ပြန်ပြောပါသေးတယ်။

ဘယ်သူ့ကို ဒုက္ခပေးနေလို့လည်း ဟုတ်တယ်နော်....၊ သိပ်မကြာခင်မှာဘဲ သူ့မ မှာ သန္ဓေသားလောင်း လေး စွဲကပ်ရောက်ရှိခဲ့ပြီး အဲဒီ သားလောင်းလေးလည်း ပျက်ဆီးခဲ့ရတယ် ပြီးတော့ ကောလိပ် ကနေလည်း စွန့်ခွာခဲ့ရပါပြီ .....။

အခုတော့ မကောင်းမှုတွေ လိပ်ပြာမသန့်မှုတွေ နဲ့အတူ အပြစ်မကင်းတဲ့ နောင်တ တွေ တလှေကြီးနဲ့ သူမ အိမ်မှာဘဲနေ နေရပါတယ် ။ သူမက မိဘတွေ ကိုလည်း ရင်မဖွင့်ဘဲနဲ့နေတယ် ....၊ သား... သမီး တွေ ရဲ့ မျက်နှာညို အလိုမကျ မှု့တွေ ဟာ မိဘ တွေကို ခံစားရ စေပါတယ်.. ဒါဟာ အလွန် ထင်ရှားပါတယ်...။

သူမ ကိုယ် သူမ တော့ မှန်တယ်.....၊ တခြားဘယ်သူ့ကိုမှ မထိခိုက်ဘူးပေါ့ ....၊ ဒါကြောင့်လည်း သူမ ဒီလို လုပ်တာပေါ့။

သူမရဲ့ စိတ်အလိုလိုက်ပြီး မှောက်မှားမိ တဲ့ဒဏ်က သူမ တယောက်ထဲတင် အကျိုးသက်ရောက်မှု ရှိတာ မဟုတ်ပါဘူး ။
တနေ့မှာ သူမ ဟာ သူမ မသိတဲ့ တစိမ်းအမျိုးသားတစ်ယောက် နဲ့ လက်ထပ်မင်္ဂလာပြုပါလိမ့်မယ်....၊ ဒါပေမယ့် သူမ ရဲ့ မိတ်ဆွေ အသိုင်းအ၀ိုင်း နဲ့ သူ့မ အတွက်တော့ စိတ်ဒုက္ခကောင်းကောင်း ရောက် စေမှာပါ ....၊

ဒါဟာ သူမ ရဲ့ အနာဂါတ်မှာ ဘယ်သူ့ကို မှ ကောင်းကောင်း ဝေမျှလို့ မရတဲ့ လျှို့ဝှက် တဲ့ အမာရွတ် တစ်ခုပေါ့ အဲဒီ အမာရွတ်ကလည်း သူ့မကိုယ်သူမ ခံစားနေရတဲ့ စိတ်ဒဏ်ရာ တစ်ခုဖြစ်နေမှာပါ .....၊ နောက်ဆုံး သားသမီးကလေးတွေ ကို တောင်မှ ကြောက်ရွံ့နေရမယ်...။

အခုတော့ သူမ သိနေပြီ....၊ လူသားတွေရဲ့ ပြုမှုဆောင်ရွက်ရမဲ့ တစ်ဦးချင်းစီရဲ့ တာဝန်တွေ ဟာ ဘယ်လိုဘဲ ဖြစ်ဖြစ် တနေ့နေ့မှာ တခြားလူသားတွေအပေါ် အကျိုးသက်ရောက်မှု ရှိစေပါတယ် ဆိုတာ ကိုပေါ့...။

(၇)

မကြာသေးခင်က မှ ညစာ စားပွဲလေးတစ်ခု မှာ ညစာ စားသောက်နေရင်း တယူသန် တဇောက်ကန်း ဧည့်သည် တစ်ဦးက အင်အားနည်းအုပ်စု ဥပဒေပြု လွတ်တော် အဖွဲ့ဝင် အဖြစ် ရွေးချယ်ခံရမှာ မဟုတ် ဆိုတဲ့ မှတ်ချက်ကို ကျွန်တော် တို့ အားလုံး စားသောက်နေရင်း နားထောင်ခဲ့ရတယ်။ အိမ်ရှင်က အကြောင်းအရာ ပြောင်းလဲ ပြောဖို့ လှည့်ပတ်ပြီး စကားလွဲပြောပေမယ့် ကိုရွှေဧည့်သည် က ဒီ အကြောင်းအရာ တွေကိုဘဲ ထပ်ခါ ထပ်ခါ ပြောနေပါတယ်...။

သူရဲ့ငယ်ရွယ်တဲ့ ကလေးငယ် တွေကလည်း သူ့ အနီးမှာ ရှိနေလေတော့ အိမ်ရှင်က သိမ်မွေ့စွာနဲ့ဘဲ ကျေးဇူးပြုပြီး ကျွန်တော့ အိမ်မှာ မပြောပါနဲ့ဗျာလို့ ထပ်ပြီး တောင်းပန်ပါတယ် ကျွန်တော်ထင် တာက ခင်ဗျား ရဲ့ ကိုယ်ပိုင် အယူအဆ တွေဟာ ခင်ဗျားနဲ့ဘဲ ဆိုင်ပါတယ်...။

ဒါပေမယ့် ခင်ဗျား အခု ဒီနေရာမှာ ပြောတဲ့စကားတွေက ကျွန်တော့် စကားတွေဖြစ်လာလိမ့်မယ် ကျွန်တော် ထပ်ပြောမယ် ခင်ဗျားပြောတာ ကျွန်တော် သဘောမတူဘူး ဒါဟာ ကျေနပ်စရာ မကောင်းတဲ့ ထင်မြင် ယူဆချက် ပါ။

အခု တကယ့်ကို ကျွန်တော် ပြန်မပြောချင်ပါဘူး ဒီနေရာမှာ တခြားဧည့်သည်တွေ နဲ့ ကလေးသူငယ် တွေ ပါရှိနေတယ်.....၊ သူတို့က ထင်ကောင်းထင်နိုင်တယ် ကျွန်တော်ငြိမ်ပြီးနေတာဟာ ခင်ဗျားရဲ့ အတွေးအခေါ် တွေ အယူအဆ တွေကို လိုလားတယ် သဘောတူတယ်လို့ထင်မယ် ....။

ကျွန်တော် ဘာကို ဆိုလိုတယ် ဆိုတာ နားလည်မယ်လို့ မျှော်လင့်ပါတယ် ... ညစာကို ဆက်ပြီး စားနေကြ ပေမယ့် ဧည့်သည် အပေါင်း တိတ်ဆိတ်ငြိမ်သက်သွားပါတယ် ကိုရွှေဧည့်သည် လည်း စောစော စီးစီး ပြန်သွား ပါတယ် ။

ကျွန်တော် သတိပြုမိတာကတော့ လူတစ်ယောက် ရဲ့ အတွေးအမြင်တွေဟာ သူ တစ်ယောက်ထဲ ရဲ့ အလုပ် မဟုတ်ပါဘူး စိတ်အာရုံ ခံစားမှု့ နောက်လိုက်ပြီး ကိုယ်ပြောချင်တာပြောရင် တခြားသူတွေအတွက် အနှောက် အယှက် ဖြစ်စေနိုင် ပါတယ် ...... ဒါဟာ တကိုယ်ကောင်းဆန် တဲ့ အလုပ်ပါ ။

တကယ့် ကို ပါဘဲ လူတစ်ယောက် ရဲ့ ဘ၀မှာ ကိုယ်တိုင် လုပ်နိုင်တဲ့ ကိုယ်ပိုင် အခွင့်အရေး တွေ အများကြီးပါ...၊ ကိုယ်ကိုတိုင် လည်း ထ်ိန်းသိမ်း နိုင်ရပါမယ်။ တကယ်လို့ ဖဲကစားဖော် ကစားဖက် အချင်းချင်း၊ စက်ရုံ အလုပ်ရုံ စတဲ့ လုပ်ဖော်ကိုင်ဖက် အချင်းချင်း၊ တံငါ သည် ဆို တံငါသည် အချင်းချင်း စတဲ့ ကိုယ့် ဘ၀လေး နဲ့ ကိုယ် ၊ ကိုယ့်ကမ္ဘာလေး နဲ့ကိုယ် တခြားသူတွေကို မပါဝင် မပတ်သက် စေဘူး ဆိုရင်တော့ ကိုယ့် အလုပ် ကိုယ် လုပ် ၀င်မရှုပ်နဲ့လို့ ပြောတာမှန်တာပေါ့.... ။

ကိုယ် ကျင်လည်ရာ ဘ၀လေး က နေ ခဏလေးထွက်သွား ကြည့်ပါ.....တချိန်ချိန်မှာ ကိုယ် စွန့်လွတ်ခဲ့တဲ့ လောက ကမ္ဘာလေး ထဲကို ပြန်ဝင်ကြည့်ပါ... ကျွန်တော်တို့ ရရှိ ခဲ့ တဲ့ အတွေ့အကြုံ နဲ့အဲဒီ လောကလေး ကို ပိုမိုပြီး ကောင်းမွန်အောင် ကူညီနိုင်မှာ ဖြစ်ပါတယ်.... ။

ဟိုးရေ့စ်မန်း (Horace Mann) လမ်းညွှန် ပြသတာကို ကျွန်တော် လက်ခံမှာပါ... ။ “ လူ့လောက ကောင်းကျိုး အတွက် ဘာမှ မလုပ်ဘဲနဲ့ သေသွားရမှာကို ရှက်ပါ တဲ့ “ ဒါဟာ ကျွန်တော်တို့ အားလုံး အတွက် ရည်ရွယ်တယ် မဟုတ်လား။