ပင်လယ်ရေမျက်နှာပြင်တွင် ဒီရေတက်ချိန် လှိုင်းလုံးကြီးများ သံစုံမြည်အော် လျက်တလိမ့်လိမ့် တ၀ုန်းဝုန်းတက်လာ ပြန်ရာ ရေမျက်နှာပြင်ထက်သို့ လှိုင်းလုံးများကြောက်ခမန်းလိလိပင်… သို့ဖြင့် လှိုင်းရေများ ပြန်ကျသွားပြန်ရာ ရေမျက်နှာပြင်မှ ရေများလျော့ဆင်းမသွား ပုံမှန်လှိုင်းငယ်အဖြစ် ပင်တင်ကျန်လျက်…..

၂၀၀၈ ခုနှစ် ပင်လယ်ပြင်အားဖြတ်ကျော်ခဲ့စဉ်က တွေးခဲ့မိသော အတွေးလေးပင်…. လတ်ဆပ်သောလေနှင့်အတူ တက်လိုက်ကျလိုက်ဖြစ်နေသော လှိုင်းတို့အကြား အလိုက်သင့်ရှိနေသော ရေမျက်နှာပြင်ကို ကြည့်ရမြင်ရ တွေ့ရ သည်မှာ စိတ်နှလုံး ချမ်းမြေ့ဖွယ်ပင်…. ထုိ့အတူပင် ကျွန်တော်တို့ဖြတ်သန်းရသော အချိုးအကွေ့များဝယ် အတက်အကျများနှင့် ရင်ဆိုင်ခဲ့ရစဉ်က မမေ့နိုင်စရာ တုန်လှုပ်ဖွယ်ရာများနှင့်လည်း နှုတ်ဆက်ခဲ့မိကြမည်ထင်ပေသည်။ လောကဓံမုန်တိုင်းကလဲ တွန်းတွန်းပို့တတ်ပြန်ဧ။်။ ပုံမှန်တွေ့ ဆုံကြုံကွဲ များ အပြင် ချမ်းသာဆင်းရဲ ထင်ရှားမထင်ရှား စသော အပိုဆုများလည်း မကြာမကြာပေးပို့တတ်ပြန်။ တချို့က အသက်အရွယ်အပိုင်းအခြားအလျှောက် စိတ်ဓာတ် တက်ကျ နိမ့်မြင့်ဖြစ်တတ်သည်။ လူတိုင်းတွင် အားငယ်ခြင်း၊ စိတ်ဓာတ်ကျခြင်းများ အထိုက်အလျောက်ဖြစ်ဖူးတတ်ကြဧ။်။ လူဟူသည်မှာ တစ်ယောက်တည်း မရပ်တည်နိုင်သော သက်ရှိတစ်မျိုးပင်…..။ မျိုးရိုးဗီဇ အရသော်လည်းကောင်း စိတ်ဓာတ်ရေးရာ ပတ်ဝန်းကျင်လွမ်းမိုးမှု အရသော်လည်းကောင်း ဖြစ်ပေါ်လာသော ရိုက်ခပ်မှုအရ စိတ်အတက်အကျ သာကွာပါသည်….။ ပုံစံအသွင်အားဖြင့်မ တည်ရှိသော စိတ်ပိုင်းဆိုင်ရာ ရပ်တည်ချက်များသည် အလွန်အထူး ဂရုပြုအပ်ပေသည်။ အားငယ်ခြင်း၊ စိတ်ဓာတ်ကျခြင်း များဖြစ်ပေါ်ခြင်းမှာ လူ့ဘ၀တွင်သဘာဝတစ်ရပ်ပင်။ သို့သော် သဘာဝမကျသော အချက်များအား နောက်ဆက်တွဲအဖြစ်တွေ့မြင်နေရခြင်းပင်။

မိမိကိုယ်တိုင်က စိတ်ဓာတ်မကြာခဏကျလေ့ ရှိရာမှ လမ်းမှားသို့မကြာမကြာ ရောက် ရောက်သွားတတ်ပြန်ရာ ပုံမှန်အခြေအနေသို့ ရောက်စေရန် မနည်းပြန်လည်ဆောက်တည်ယူ ရပေသည်။ ဤသည်မှာလည်းသဘာဝကျပေသည်။ အဓိကကျသည်မှာ ကိုယ်ဖြစ်ချင်တာနဲ့ ဖြစ်သင့်တာကိုခွဲခြားနိုင်မည်။ ဖြစ်ချင်တာရောဖြစ်သင့်တာကိုပါ ဖြစ်အောင် လုပ်နိုင်ရမည်ဖြစ်ပေရာ ဖြစ်ချင်သလောက်တော့ ဖြစ်လာမှာ မဟုတ်သည်မှာ သေချာသလောက်ပင်…။ ဖြစ်မြောက်အောင်မြင် အောင်တော့ လုပ်ရမှာဖြစ်သလို ဖြစ်ခြင်းမဖြစ်ခြင်းသည် ကိုယ်နှင့် တိုက်ရိုက်မသက်ဆိုင်ပေ။ ကိုယ့်အပိုင်းကိုယ့်တာဝန် ကျေအောင် လုပ်နေမည်ဆိုပါက စိတ်ဓာတ်ကျခြင်းနှင့် ကင်းဝေးမည်ပင်။ ကျွန်တော် အပါအ၀င် တော်တော်များများမှာ ပြင်ပမှရသော result ကို ပိုပြီးခုံမင်မက်မောပါသည်။ အမှန်က မိမိကိုယ်ကို ကြည်ညိုနိုင်သော ကျေနပ်အားရနိုင်သော သူများအဖြစ်ရပ် တည်ရန်သာ အရေးကြီးပါသည်။

ဘ၀တစ်ခုရလာတာဟာ ရပ်တည်နိုင်ဖို့တင်မဟုတ်ပါဘူး၊ လှုပ်ရှားရုန်းကန်၊ လှော်ခပ်နေမှ ဘ၀သရုပ် ပီပြင်မည်ပင်။ ရောက်နေတဲ့အခြေအနေကို တော်သလို လှော်ခတ်နိုင်မှတော်ကာ ကျမည်ပင်။ လှိုင်းကြက်ခွပ်ငယ်လေးများ ကဲ့သို့ စိတ်ဓာတ်မှာ အတက်အကျကြမ်းလှပေသည်။ ဤနေရာ၌ လူအများစုမှာ အောင်မြင်ခြင်း ရှုံးန်ိမ့်ခြင်း မှစိတ်ဓာတ်အတက် အကျရှိတတ်သည်ဟု သတ်မှတ်နေကြရာ....။ မှန်သင့်သလောက်မှန်ပေသည်ဟု ပြောရမည်ပင်။ အထက်တွင်ဆိုခဲ့ပြီး သလိုပင် ကျွန်တော်တို့ဧ။် ဘ၀ရုန်းကန်လျှောက်လှမ်းမှုတွင် အားပေးဖော်များလိုအပ်ပေသည်။ မိတ်ဆွေအပေါင်းအသင်း ချစ်သူခင်သူ များမှ မိမိတက်လှမ်းကိုများစွာ တွန်းပို့နိုင်သလို ကျလမ်းသို့လည်း မြန်းစေနိုင်ပါသည်။ မည်သို့ပင်ဖြစ်စေကာမူ အပေါင်းအသင်းမရှိ တစ်ကိုယ်တည်းနေသော သူများတွင် စိတ်ကျပိုမြန်တတ်ပါသည်။ ဤသို့မဖြစ်စေနိုင်ရန် အပြစ်ကင်းတဲ့ ၀ါသနာများများရှိဖို့လိုပါသည်။ ၀ါသနာနည်းတဲ့ သူဟာတခါတလေ ဘာမှစိတ်ဝင်စားစရာ မရှိသလိုဖြစ်တော့ depression ဖြစ်တတ်ပါသည်။ပျော်စရာကောင်းပြီးတော့ အပြစ်ကင်းတဲ့ ၀ါသနာများများရှိရင် ဟိုဟာလေးလုပ်လိုက်ပျော်လိုက် ဒီဟာလေးလုပ်လိုက်ပျော်လိုက် နှင့် depression လျော့နည်းစေနိုင်ပါသည်။

တခါတလေ စိတ်ဓာတ် တက်ကြွမှုလေးများသည်လည်း တစ်ရက်အတွင်း မကြာခဏပေါ်ပေါက် သကဲ့သို့ စိတ်ဓာတ်ကျစရာများသည်လည်း ပေါ်ပေါ်လာတတ်ပါသည်။ ဂရုပြုဆန်းစစ်ကြည့်ပါက တစ်ဦး တည်းနေရချိန်များတွင် ပို၍ဖြစ်တတ်ပါသည်။ မကျေနပ်စိတ်၊ သိမ်ငယ်စိတ်၊ လိုချင်မှုလောဘစိတ်များမှ ဖြစ်ပေါ် လာတတ်သောကြောင့် အထူးဆင်ခြင်နိုင်စေရန်လိုအပ်ပေသည်။ နေ့ပြီးလျှင်ည၊ ညပြီးလျှင်နေ့ဖြစ်ဧ။်။ သူ့အလှည့်နှင့်သူ ပြောင်းလဲပြီးနေရာ ယူထားကြပါသည်။ သမုဒ္ဒရာတိုင်းမှာလည်း အကန့်အ သတ် အပိုင်း အခြားရှိဧ။်။ ကုန်းမြေတောင်တန်းများမှာလည်း အကန့်အသတ်ရှိဧ။်။ အရှုံးမှာလည်းအကန့် အသတ်အပိုင်းအခြားရှိပါသည်။ အရှုံးနှင့်ကန့်သတ်မျဉ်း ဟိုဘက်မှာအောင်ပွဲမုချရှိပေသည်။ တစ်ဦးတည်း အထီးကျန်မှုမှလည်း မိမိကိုယ်ကိုက လွန်မြောက်စေနိုင်ပါသည်။ အတက်ပြီးလျှင် အကျ ဆိုသည်မှာ ဓမ္မတာဖြစ်သလ်ို အကျပြီးအတက်ဖြစ်လာမည်မှာလည်း မလွဲမသွေအမှန်တရားပင်။ တက်ကျ မှု များမှ တည်ဖြစ်ပေါ်လာသော စိတ်ဓာတ်ရေးရာ နေထိုင်မှုတစ်ရပ်ကိုသာ ဟုတ်တိုင်းမှန်ရာ ဆုံးမ၍ နေထိုင်အပ်ပေသည်။

ကျွန်တော်တို့လုသားတွေရဲ့ဘ၀ဟာတိုတောင်းလွန်းလှပါတယ်..အသက်လေးရလာတော့လူတွေ အကြောင်းကို ပိုသိလာဖြစ်တယ်...။ တချို့က အချင်းချင်း တွေ့တာတောင် အပြိုင်အဆိုင်တွေမာနတွေ ဒေါသ တွေနဲ့ဝန်တိုခြင်းတွေနဲ့ မကင်းနိ်ုင်ကြဘူး..... တကယ့် အစစ်အမှန်ဆို တာဘာလဲ ဆိုတာ ကိုမေ့နေကြ တယ်.. မိတ်ဆွေသူငယ်ချင်းဆိုတဲ့ တန်ဖိုးကိုလည်း အလေးမထားဘဲအတ္တကို ရှေ့တန်း တင်လာကြတယ်.. ကျွန်တော်အပါအ၀င်ပေါ့ဗျာ..... တခါတလေကျတော့လည်း ကိုယ့်ကိုယ်ကိုဆန်းစစ် မိပါ တယ်.. ရံဖန်ရံခါကျတော့လည်း ကျွန်တော့်အသိတွေက တော်တော် လွတ်သွားတယ်... ကိုယ့်ကိုယ် ကိုိုပြန်သိအောင်လုပ်ရင်လုပ်.. ဒါမှမဟုတ်စာတွေဖတ်... ကိုယ့်ထက်လူကြီးသူမ... မိတ်ဆွေတွေရဲ့အသိနဲ့ သတိပေးမှုတွေကိုနာယူတဲ့အခါမှ ပြန်ထိန်းနိုင်တာများတယ်... “တကယ့်သူငယ်ချင်းဆိုတာ... အတွေ့ အကြုံ အမျိုးမျိုးကို သူနဲ့အတူ ကိုယ်ကြုံတွေခဲ့ရဖူးတယ်။ တစ်ခါတလေမှာ သူ့ကို ကိုယ်နှစ်သက်မယ်။ တစ်ခါတလေမှာ သူ့ကို ကိုယ်စိတ်ဆိုးမယ်။ ဘယ်လိုအကောင်းအဆိုးမျိုးပဲ ကြုံတွေ့ခဲ့ပါစေ နောက်ဆုံးမှာ သူ့ကိုသူငယ်ချင်း အဖြစ် ကိုယ်သတ်မှတ်သေးတယ်၊ ကိုယ်က သူ့သူငယ်ချင်းပါလို့ သူက သတ်မှတ်သေးတယ်ဆိုရင် သူငယ်ချင်း အစစ်အမှန်ပဲ ”ကိုယ့်ဘ၀မှာ စိတ်တူကိုယ်တူ အမြဲပေါင်းသင်းတဲ့ သူငယ်ချင်း ဘယ်နှစ်ယောက် ရှိလဲလို့ လက် ချိုး ရေတွက်ကြည့်ဖူးပါသလား.. သူငယ်ချင်းဘ၀ ရဲ့အဓိက လျှို့ဝှက်ချက် က နားလည်ပေးနိုင်မှု နဲ့ သည်းခံ ခြင်း ပဲလို့ ကျွန်တော် ယုံကြည်ပါတယ်....

ယခု ကျွန်တော် ဒီဘလော့လေးစလုပ်ဖြစ်တာ ကလဲ သူငယ်ချင်း တစ် ယောက် ရဲ့ ဘလော့လေးကိုသွားသွားလည်ရင်း ကနေအကောင်အထည်ဖော်ဖြစ်တာပါ ... ဘလော့ဆိုတဲ့ ဒိုင်ယာယီလေး တစ်ခုဖန်တီးမယ်လို့ တွေးထားတာ တစ်နှစ်ရှိသွားပါပြီ...။ အကြောင်းအမျိုးမျိုးကြောင့် ဖြစ်မလာခဲ့သေးပါဘူး...။ ဒီ၂၀၁၀မှာ ကျွန်တော်ကို စာရေးဖြစ်အောင်တွန်းအားပေးတဲ့ အဓိက အကြောင်းကြီး နှစ်ချက်ရှိပါတယ်။ ငယ်ငယ်ကတည်းကလဲ စာတွေရေးဖြစ်သလို... ကြီးလာရင်လဲစာရေး မယ်လို့ရည်ရွယ်ထား ခဲ့မိပါတယ်...ကျွန်တော်က လူ့ဘ၀ မှာတန်ဖိုးအထားဆုံးက မေတ္တာတရား ပါပဲ..။ ဒါကြောင့် ဘလော့ ရဲ့အစ ပျိုး နိဒါန်းလေးကို ရောင်းရင်းတို့ အတွက် သူငယ်ချင်းဆိုတဲ့ ဝေါဟာရ စကားလေးပါးဖြစ်တာပါ...။ ကျွန်တော်ခုအချိန်ထိ ကိုယ်သိမှီသလောက်ကြုံခဲ့ရတဲ့ သင်ခန်းစာလေးတွေ အတွေ့အကြုံလေးတွေအရ တစ်ယောက် နဲ့တစ် ယောက် တွေ့ဆုံ အတူရှိချိန်တွေမှာ တန်ဖိုးထား မှုတွေ လျော့လာတာတွေ့ခဲ့ကြုံခဲ့ရပါတယ်..။ ပိုပြီး တန် ဖိုး ထားနားလည်ရမယ့်အစား သည်းခံမှုတွေ လျော့လျဲလာပဲ ဖြစ်တတ်ကြပါတယ်...။ မလိုတဲ့နေရာ လေးတွေ မှာ သူလဲလူသားတစ်ယောက် ကိုယ်လဲ သက်ရှိတစ်ယောက်ဆိုတာကို မေ့ထားကြပြီး ကိုဖြစ်ချင်လိုချင်တဲ့ အ တိုင်း တာကိုပဲ စဉ်းစားခဲ့ကြလို့ပါ..။ တစ်ခါတလေ နားလည်မှုလေးပေးပြီးခွင့် လွတ်တဲ့ အကြည့်နဲ့ ကြည့်မယ်ဆိုရင်ဖြင့် အရာအားလုံးဟာ လှပသေသပ် နေမှာပါပဲ....။ မှတ်မှတ်ရရ လူတွေအများစုကို ပိုချစ်တတ်လာတာ ကျွန်တော် အသက် (၂၀) ပြည့်ကစတာပါ...။ ကျွန်တော်ဆိုလိုတာက ကာမတဏှာ မပါတဲ့ မေတ္တာ စိတ်ကိုပြောတာပါ...။ လူတွေကိုအကောင်းမြင်ဘက်ကနေ ပိုချစ်တတ်လာလေလေ မိတ်ဆွေအပေါင်း သင်းတွေအတွက် ကိုယ်ဟာ အသုံးဝင်တဲ့ လူဖြစ်လာပါပြီ.... ကိုယ်နေထိုင်တဲ့ ပတ်ဝန်းကျင် ကို မေတ္တာဓာတ်နဲ့အလှဆင်နေသလိုပါပဲ... ဆေးရောင်စုံတွေနဲ့ အလှဆင်ထားသလို ကိုယ့်ရဲ့ အလေးထား ဂရုပြုတဲ့ စိတ်က အရာအားလုံးကိုချိုမြိန် လှပ စေလာနိုင်ပါတယ်...။ ကိုယ့်ကိုယ်ကိုကျေနပ်နိုင်တဲ့သူ ကိုယ့်ပတ်ဝန်းကျင်အတွက် လိုအပ်နေတဲ့သူဖြစ်လာမယ်လို့ ယုံကြည်ပါတယ်…။ ခုကျွန်တော့် ဒိုင်ယာရီလေးမှာ အများဆုံးရေးဖို့ ရည်ရွယ်ထားတာကတော့ လူတွေနဲ့ ပတ်သက်နေတဲ့ လူတွေ အကြောင်း နဲ့ ခံစားမှုစာစုလေးတွေပါ... သက်မဲ့ ရုပ်ဝတ္ထုတွေတိုးတက်နေတဲ့ နည်းပညာခေတ်ကြီးမှာ ကျွန်တော်အပါအ၀င် အားလုံးအမှီ ပြေးလိုက်နေရပါတယ်..။ တစ်နေ့တာလှုပ်ရှားမှုတွေက နေ အံဝင်ခွင် ကျမဖြစ်မှု ကို အခြေခံပြီး လူ့စိတ်တွေပြောင်းလဲတတ်ပါတယ်..။ ပြောင်းလဲ နေတဲ့ ကျွန်တော်တို့ စိတ်တွေအတွက် ထင်သလိုမြင်သလို အားဖြည့် အကြံပြုရင်း ကျွန်တော့် ဒိုင်ယာရီ ကျောက်ဆောင်လေး ကိုဖွင့် လှစ်လိုက်ရပါတယ်.........။